La presentación pública de la nueva organización tuvo llugar nel Local Cambalache, hoi 29 d’abril a les 5 de la tarde.

Amás, nel actu, Fai! dió a conocer la so recién estrenada páxina web www.fai-asturies.org, xunto a otres iniciatives que va dir desarrollando d’equí a poco, como la presencia na mani del 1u de Mayu, na mani del 9 de Mayu del Día de les Lletres, la presentación de candidatures pa les elecciones al claustru de la Universidá d'Uviéu y la creación d'una plataforma unitaria de conmemoración de los 200 años de soberanía asturiana'l 25 de Mayu, amás de presentar tol material de la organización.

[*+ ] Fai! ye una organización política que pretende articular un frente d’aición y pensamientu ampliu na esquierda, los movimientos sociales y la defensa de la soberanía asturiana d

ende la independencia política, ufriendo asina una ferramienta útil de tresformación social y participación al pueblu asturianu.

[*+ ] Pa ello, Fai! naz col enfotu de promover ente la sociedá asturiana un enfoque críticu énte la realidá que carez esti País, que creemos nuna situación gravísima y terminal, como consecuencia de les polítiques agresives del neolliberalismu que ponen en práutica los que nos malgobiernen, quedando murniamente espeyaes les consecuencies de les sos (in)decisiones na estroza ambiental del nuestru paisaxe, nel recorte de llibertaes y derechos individuales y coleutivos y nel xenocidiu cultural y llingüísticu que carecemos a diariu como asturianes y asturianos.

[*+ ] Fai! ye una organización independiente, non venceyada a nengún partíu políticu, formada por persones que sienten la necesidá de denunciar, combatir y poner igua al traviés de la resistencia civil y l’aición intelectual y política na cai a les fondes problemátiques que carecen Asturies y les/os asturianes/os como pueblu, como entamu pa un cambiu radical nes rellaciones económiques y sociales a nivel global.

[*+ ] Fai! actúa dende’l texíu asociativu asturianu y l’amplia rede de movimientos sociales, el sindicalismu de clas, el coleutivu estudiantil y otres instituciones…entamando concentraciones, manifestaciones, participando y fomentando plataformes, charres, debates, proyeiciones, conciertos…col fin d’esparder ente’l mayor númberu de ciudadanes/os el so proyeutu.

Énte les inxusticies que promueve esti sistema…
Énte la situación de desamparu d’Asturies…
Énte la desmovilización y el desánimu…
¡¡Ye hora de facer!!

Fai! [*+ ] Faciendo Asturies nel Mundu.

[+] info, carta ideolóxica y + en http://www.fai-asturies.org